چناران

چۆنیه‌تی به‌ كوردی كردنی به‌رنامه‌ی كۆمپیوته‌ر ته نها له لايه ن كوردباندkurdband

KURDBAND — Sun, 20 May 2012 06:44:26 GMT

سڵاو ئه‌زیزان
********
پێم خۆشبوو ئێوه‌ش بێبه‌ش نه‌بن له‌وه‌ی كه‌ به‌رنامه‌كانی ناو كۆمپیوته‌ره‌كه‌ت بكه‌یته‌ كوردی هیوادارم بتوانم له‌م بابه‌ته‌دا ئێوه‌ی به‌رێز ئاشنا بكه‌م به‌م به‌رنامه‌یه‌ (PE Explorer)كه‌ كاری كردنه‌ كوردی به‌رنامه‌كانه‌.با بچینه‌ ناو باسه‌كه‌
سه‌ره‌تا له‌م لینكه‌ خواره‌وه‌ به‌رنامه‌ی ناوبراو داگرن

[ناتوانيت به‌سته‌ر ببينيت تا خوت تومار نه‌که‌يتبو خوتومار کردن کليک ليره‌ بکه‌]

ئه‌مه‌ش كراكه‌كه‌ی:

[ناتوانيت به‌سته‌ر ببينيت تا خوت تومار نه‌که‌يتبو خوتومار کردن کليک ليره‌ بکه‌]

پاش ئه‌وه‌ی به‌رنامه‌كه‌ت داگرت وه‌كو هه‌موو به‌رنامه‌یه‌كی تر له‌سه‌ر كۆمپیوته‌ره‌كه‌ت دایبه‌زێنه‌ پاشان ئه‌م ڕوكاره‌مان بۆ ده‌كرێته‌وه‌ و كلیك له‌سه‌ر ئه‌و ئایكۆنه‌ ده‌كه‌ین كه‌ له‌ وێنه‌كه‌دا ئاماژه‌م پێداوه‌.

تێبینی:ده‌بێ ئه‌و به‌رنامه‌یه‌ی كه‌ ده‌ته‌وێ بیكه‌یته‌ كوردی پێویسته‌ له‌ناو كۆمپیوته‌ره‌كه‌ت داتبه‌زاندبێ.
1-ئه‌و به‌رنامه‌یه‌ بدۆزه‌ره‌وه‌ له‌ ناو كۆمپیوته‌ره‌كه‌ت وابزانم هه‌مووان له‌ سه‌ر هاردی c دایده‌به‌زێنین ئێستا من به‌م شێوه‌یه‌ به‌رنامه‌ی Internet Download Manager ده‌دۆزمه‌وه‌
C:\Program Files\Internet Download Manager
2- ئه‌مجا كلیكیopen ده‌كه‌ین .

ئێستا ئێمه‌ بۆ ئه‌وه‌ی ناوه‌ڕۆكی به‌رنامه‌كه‌ بدۆزینه‌وه‌ ئه‌وا
1-كلیكی لیستیview ده‌كه‌ین.
2- ئه‌مجا Resources داده‌گرین.

پاشان ئه‌و ڕوكاره‌مان بۆ ده‌كرێته‌وه‌ ئه‌وه‌ی گرنگ بێ لای من ئه‌و به‌شه‌ی ناو چوارگۆشه‌ زه‌رده‌كه‌یه‌ كه‌ ده‌توانین به‌رنامه‌كه‌ی پێ بیكه‌ینه‌ كوردی ئه‌و به‌شانه‌ش menu,string,dailog به‌ڵام هه‌ندێ به‌رنامه‌ dailog تیا نیه‌ به‌س كێشه‌ نیه‌ .

1-ئێستا من menu م دیاری كرد
2- پاشان یه‌كێ له‌و دوو فایله‌م دیاری كردكه‌ له‌ناو فۆڵده‌ری مینوه‌كه‌یه‌.
3-كلیكی ده‌كه‌ین بۆ ئه‌وه‌ی بیكه‌ینه‌ كوردی.

ئێستا كاتی كردنه‌ كوردیه‌
1-كلیكی هه‌ر وشه‌یه‌ك ده‌كه‌ین له‌ ده‌سته‌ چه‌پ، پاشان له‌خانه‌ی كه‌ نوسراوه‌ caption له‌ ده‌سته‌ڕاستی وێنه‌كه‌وه‌یه‌ و سه‌ری تیشكه‌ زه‌رده‌كه‌ی له‌سه‌ره‌.له‌وێدا كوردیه‌كه‌ی ده‌نوسین هه‌روه‌كو من كه‌ نوسیومه‌ (فرمانه‌كان).
2-كاتێ ده‌یكه‌یته‌ كوردی لێره‌ دیار ده‌كه‌وێ.
3-دوای ته‌واو بونی وشه‌كان كلیكی ئێره‌ بكه‌ بۆ زه‌خیره‌كردنی ئه‌م وشانه‌ كه‌ كردوته‌ته‌ كوردی.

پاشان ئه‌مڕوكاره‌ دێ تۆ yes داگره‌.

تێبنی:ئه‌ندامه‌ خۆشه‌ویسته‌كان ئه‌وه‌مان بیر نه‌چێت من ته‌نها فایلێكی فۆڵده‌ری مینوم كردوه‌ به‌كوردی ئه‌گه‌ر بتانه‌وێ هه‌مووی بكه‌نه‌ كوردی ئه‌وا ده‌بێ به‌شه‌كانی string,dailog
بكه‌نه‌ كوردی كاتیشی ده‌وێت.
ئێستا ئه‌وه‌مان ماوه‌ كه‌ به‌رنامه‌كه‌ زه‌خیره‌ بكه‌ین ئه‌ویش لیستی Save file As<

به‌هه‌مان شێوه‌ی كه‌ به‌رنامه‌كه‌مان هێنا ،به‌هه‌مان شێوه‌ زه‌خیره‌ی بكه‌ واته‌ به‌م شێوه‌یه‌ی من
C:\Program Files\Internet Download Manager پاشان دووگمه‌ی Save داگره‌ .

ئێستاش ئه‌و نمونه‌یه‌ بوو كه‌ له‌كاتی نوسینی ئه‌م بابه‌ته‌دا كرم بۆ تێگه‌شتنی ئێوه‌ی خۆشه‌ویست.

تێبینی:ده‌توانی به‌ به‌نامه‌ی وینرار یاخود هه‌ر به‌رنامه‌یه‌كی تر ئه‌م به‌رنامه‌یه‌ی كه‌ كردمانه‌ كوردی بیپێچیته‌وه‌ و بیكه‌یته‌ یه‌ك فایلی Setup.exe .
هیوادارم له‌ كۆتایدا له‌ هه‌موو كه‌م و كوڕیه‌كانم چاوپۆشی بكه‌ن.

ســه ربـه رزبــن

بـراتــان\\= KURDBAND

مؤبايل

رائد — Sat, 19 May 2012 15:31:38 GMT

كؤديكى نوي ئه كه ر كارتت نه بو ده توانى نامه بنيرى بوهاوريكه ت بؤئه وه ى ته له فؤنت بؤبكه ئه مه ش كؤده كه(*213* زماره ى مؤبايل#)

مه ته ل

رائد — Sat, 19 May 2012 15:15:50 GMT

بزانم كي زيره كه ده زانيت (به سي برايان يه ك كلاويان هه يه)

وه‌رده‌ جه‌زائیری كۆچی دوایی كرد

Mustafa — Sat, 19 May 2012 13:25:11 GMT

"وه‌رده‌ جه‌زائیری" ژنه‌گۆرانیبێژی‌ گه‌وره‌ی‌ عه‌ره‌ب، دوێنێ پێنجشه‌ممه‌ له‌ماڵه‌كه‌ی‌ خۆی‌ له‌شاری‌ قاهیره‌ به‌جه‌ڵته‌ی‌ دڵ گیانی له‌ده‌ستدا.

نه‌جات كه‌به‌ڕێوه‌به‌ری‌ كاره‌كانی "وه‌رده‌"یه‌ هه‌واڵه‌كه‌ی‌ پشتڕاستكرده‌وه‌و رایگه‌یاند، سه‌عات "6" و ده‌ خوله‌ك، وه‌رده‌ له‌ماڵه‌كه‌ی‌ خۆی‌ له‌سه‌ر كۆرنیشی نیل كۆچی‌ دوایی كرد.

روونیشیكرده‌وه‌، سه‌رۆكایه‌تی‌ وڵاتی جه‌زائیر، فڕۆكه‌یه‌كی‌ تایبه‌ت ره‌وانه‌ی‌ لوبنان ده‌كات، به‌مه‌به‌ستی‌ گواستنه‌وه‌ی‌ ته‌رمه‌كه‌ بۆ جه‌زائیر، بۆ ئه‌وه‌ی‌ له‌گۆڕستانی بنه‌ماڵه‌كه‌ی‌ بنێژرێت.
nrt

كێ تیرۆریسته‌؟

جاسم شوانی — Sat, 19 May 2012 10:03:20 GMT

ڤیدیۆیه‌كی كاریگه‌ر به‌ دۆبلاژی كوردی

خەوێکی بەتال

Rekan — Sat, 19 May 2012 09:19:39 GMT

پێاوو ژن مانیان لێكتر گرتووه‌/په‌رتاڵ لێكتر ناگڕن..
پیاو حه‌ز له‌ده‌لفین ده‌كات و
كچان حه‌زیان له‌غۆریلایه‌/ده‌شێ حه‌زیان له‌ساوێره‌ی
خۆیان بێ!
كچان سارد و سڕن
ساردو سڕ(من شایه‌تم له‌ته‌وه‌ن دروست نه‌كراون)
به‌هاوین هۆگری دۆندرمه‌وه ته‌نووره‌ی كورت و بابۆڵه‌ی
گه‌س و
قژی خۆیانن
به‌زستان متوی ده‌سكێش و پانتۆڵی كاوبۆو ئیسترێجن
به‌پایزحه‌ز له‌گوڵه‌به‌رۆژه‌و زه‌رده‌خه‌نه‌ی ده‌سكردو
خه‌وی نیوه‌روان ده‌كه‌ن
له‌به‌هاردا وه‌ك ره‌وه‌ گامێش راكه‌راكیانه‌و
یادگاره‌كانی سێ وه‌رزه‌كه‌ دی كاوێژ ده‌كه‌ن..
پێاوان خه‌ریكی شه‌ڕن (پلیتی ئاوقه‌د ده‌كڕن)
پێاوان سه‌رقالی مردنن( خه‌ریكی راوكردنی
باویلكه‌ن..)
كارگه‌كان خه‌ریكی دروستكردنی ئامێری ژنانه‌ن
بۆ ژنی ئه‌فسه‌رو ژه‌نه‌راڵه‌كانی به‌ره‌كانی جه‌نگ
بۆ كچانی به‌ره‌بابی چینی ئۆرستكراتی
كچانی ته‌مه‌ڵ و ته‌وه‌زه‌ل و گه‌مژه‌
كچانی به‌ژمورده‌و دڵساردو زوشتی برژووا
كیژانی برژوا نه‌دلداری ده‌زانن
نه‌رق و كینه‌/ئاوێنه‌بۆژه‌ ده‌كه‌ن..!
كچگه‌لێكی سه‌ندیكایین
حه‌زیان له‌زمانی سه‌گ و
كلكی پشیله‌ی دێونه‌و
ئامێری پیاوانه‌ی ده‌سكرد..
نازانم
له‌وانه‌یه‌ حه‌زیان
له‌شووشه‌ی بیبسی كۆلای به‌تاڵیش بێت..

صمغ عطري
صمغ الايام
الماضية
اه من جنة
الطفولة

شاعرية احلام اليقظة
غاستون باشلار
ترجمة:جورج سعيد

خواردنی‌ په‌نیر نابێته‌ هۆی‌ به‌رزبوونه‌وه‌ی‌ كۆلیسترۆل له‌خوێنداو ته‌نگوچه‌ڵه‌مه‌ بۆ گورچیله‌ دروست ناكات.

ChNaR — Fri, 18 May 2012 22:00:06 GMT

لێكۆڵینه‌وه‌یه‌كی‌ دانیماركی‌ ده‌ریخست كه‌ خواردنی‌ په‌نیر نابێته‌ هۆی‌ به‌رزبوونه‌وه‌ی‌ كۆلیسترۆل له‌خوێنداو ته‌نگوچه‌ڵه‌مه‌ بۆ گورچیله‌ دروست ناكات.

به‌پێی‌ زانیاریه‌كانی‌ لێكۆڵینه‌وه‌كه‌ كه‌ له‌گۆڤاری (ئاتلانتك)ی‌ ئه‌مریكی‌ بڵاوكرایه‌وه‌، به‌به‌راوردكردنی‌ په‌نیرو كه‌ره‌ له‌سه‌ر ته‌ندرووستی‌ دڵ، ده‌ركه‌وت كه‌ په‌نیر ڕێژه‌ی كۆلیسترۆل به‌رزناكاته‌وه‌ به‌ڵكو ئه‌و ڕێژه‌یه‌ داده‌به‌زێنێت به‌به‌راورد به‌كه‌ره‌.

له‌م لێكۆڵینه‌وه‌یه‌دا 50 كه‌س به‌شداریانكرد‌و بۆ دوو گرووپ دابه‌ش كران‌و دوو به‌رنامه‌ی‌ خواردنی جیاوازیان بۆدانان، كه‌ یه‌كێكیان په‌نیری‌ به‌ڕیژه‌یه‌كی‌ به‌رز تیابوو ئه‌ویتریان كه‌ره‌ی‌ به‌ڕێژه‌ی به‌رز تێدابوو، پاشان گێڕایاننه‌وه‌ بۆ به‌رنامه‌ی‌ خۆراكی‌ ئاسایی بۆ ماوه‌ی‌ دوو هه‌فته‌، دواتر جارێكی‌ تر به‌رنامه‌ی‌ خوردنه‌كه‌یان گۆڕینه‌وه‌، به‌ڵام ئه‌م جاره‌ پێچه‌وانه‌یان كرده‌وه‌ ئه‌وانه‌ی‌ په‌نیریان خواردبوو كردیان به‌كه‌ره‌، كه‌ره‌كانش بۆ په‌نیر.

به‌شداربووه‌كان ئه‌وانه‌ی‌ په‌نیریان خواردبوو به‌ زۆری له‌گه‌ڵ ئه‌وه‌ی‌ كه‌ ڕێژه‌یه‌كی‌ به‌رزیان له‌چه‌وری خوارد، به‌ڵام كۆلیسترۆلیان هیچ به‌رزنه‌بووبووه‌وه‌، كه‌چی‌ ئه‌وانه‌ی‌ كه‌ كه‌ره‌یان خواردبوو كۆلیسترۆله‌كه‌یان حه‌وت پله‌ به‌رزبوبووه‌وه‌.

به‌پێی‌ هه‌واڵه‌كه‌ی‌ ئه‌لوه‌فد، زاناكان باوه‌ڕیان وایه‌، ئه‌و كالسیۆمه‌ی‌ كه‌ له‌په‌نیردا هه‌یه‌ به‌زۆری، ببێته‌ هۆی‌ ده‌ركردنی‌ ئه‌و چه‌ورییه‌ی‌ ناو جه‌سته‌، ئه‌مه‌ش وا له‌په‌نیر ده‌كات نه‌هێڵێت كۆلیسترۆل به‌رزبێته‌وه‌، به‌ڵام له‌گه‌ڵ هه‌موو ئه‌مانه‌شدا پێویسته‌ هه‌ر به‌به‌رنامه‌ بخورێت.

خێرایی لە حوكمدان

بانیاس — Fri, 18 May 2012 20:57:45 GMT

خێرایی لە حوكمدان

- دەمەوێت بە قسەی ئەو فەیلەسوفە دەست پێبكەم كە دەڵێت “ئەگەر ئێمە هەموو وەك یەك بیربكەینەوە، كەواتە بیرناكەینەوە”. بۆیە هەڵەیەكی گەورەیە گەر بمانەوێت كەسەكانی دەوروبەرمان دەبێت كتومت وەك ئێمەبن، لەوەش خراپتر ئەوەیە كەوا بزانین ئێمە بێ هیچ كەموكوڕیین و ئەوان پڕ لە هەڵە.

دەڵێن دانایەك چوار كوڕی هەبوو داوای لێكردن كە هەر چواریان و لە چوار كاتی جیاوازدا (هاوین، پایز، زستان، بەهار) بڕۆنە ناو دارستان و سەیری بكەن، پاشان كە گەڕانەوە بۆ باوكیان باس بكەن. ئەو كوڕەی لە زستاندا سەیری دارستانی كردبوو بە باوكی گوت، درەختەكان هەمووی رووت بوون و لە زۆر شوێنیش بەفر دایپۆشیبوون، من دڵم زۆر بەو دیمەنە خۆش نییە. ئەوەی دووەم وتی، ئەوەی تۆ دەڵێیت وانیە، من بینیم دارستان بە رەنگی سەوز داپۆشرابوو، جریوەی بولبول لەهەموو شوێنێك دەهات، بۆنی گوڵ ئەو ناوەی پڕ كردبوو، ئەوە جوانترین دیمەن بوو من لە ژیانی خۆم بینیومە. ئەوەی سێیەم وتی، ئەوەی تۆ دەیڵێیت بەو شێوەیە نییە! راستە درەختەكان سەوزبوون، بەڵام ئاو‌و هەوا گەرم بوو. بەڵام ئەوەی چوارەم گوتی، ئەرێ ئێوە دەڵێن چی؟ درختەكان‌و گەڵاكان هەمووی رووزەرد بوون و هیچ میوەیەكیش لەوێ نەبوو. نموونەی ئەو چوار كەسە، نموونەی رەفتارەكانی مرۆڤە لە چوار كاتی جیاواز دا. بۆیە ناكرێ لەسەر رەفتارێكی كاتیی مرۆڤێك، حوكمێكی ئەبەدی بەسەردا بدەین، وەك ئەوەی هاوڕێكەت دەیكات. بۆ ئەوەی مرۆڤ نەكەوێتە هەڵەو پەلە نەكات لە حوكمدان لەسەر خەڵك دا، پێویستە لە نزیكەوە بیانناسێت و لە هەموو روویەكەوە هەڵسانگاندنی بۆ بكات، نەك تەنها روویەك یان هەڵوێستێك، هەروەك قسەیەكی باوی میژووی ئیسلامی هەیە دەڵێت، ناتوانیت حوكم لەسەر كەسێك بدەیت تەنها دوای سەفەركردن یان مامەڵەكردن لە گەڵیدا نەبێت. بۆیە شتێكی سروشتییە ئەو هاوڕێیەی تۆ جگە لە تۆ كەسی هاوڕێ نەبێت، چونكە حوكمەكانی خێران و تەنها لە یەك هەڵوێست دان.

د. ڕێدار محمد امین
پسپۆری نه‌خۆشیه‌ ده‌‌روونییه‌کان

من و تۆ

بانیاس — Fri, 18 May 2012 20:50:16 GMT

من و تۆ

رۆژێ دادێ بەجێت بێڵم
دڵنیام ئەوکات
تەنیا کفنێ لێم ئەروانێ ...
جگە لەخەم شتێکی تر
بە گۆرەکەی من نازانێ ...

ئای چەند سەختە دواین نیگا
خۆ ئەشزانم
ئەتوێیتەوە لەو کاتەدا ...
هەموو ساتێ بەخۆت ئەڵێی
بۆ جێی هێشتم بەبێ خەتا ...

بەڵام چیبکەم ئیتر مەرگە
بەئاسانی
رۆحەکانمان ئەگرێتە خۆی ...
تاکە تکا لەتۆ ئەکەم
خەفەت بەو مەرگەی من نەخۆی ...

چونکە دڵنیام لەو دنیایەش
من و تۆ
ئەبینەوە خاوەن یەک هەست ...
یا لە دۆزەخ یەک ئەبینین
یا هەردووکمان ئەچینە بەهەشت ...

سۆران جاف

نهێنییه‌كانی دڵ.

بانیاس — Fri, 18 May 2012 20:18:33 GMT

نهێنییه‌كانی دڵ.

دڵ ته‌نها ترومپایه‌كی خوێن نییه‌، به‌ڵكو زۆر له‌وه‌ زیاتره‌…. زانایانی ئه‌مڕۆ باس له‌ مێشكێك ده‌كه‌ن، كه‌ له‌ دڵدایه‌ و له‌ 40000 ده‌ماره‌خانه‌ پێكدێت، واته‌ وه‌ك ئه‌وه‌ی ناومانناوه‌ ” هۆش یان ئه‌قڵ” له‌ ناوه‌ندی دڵدا هه‌یه‌، ئه‌وه‌ كه‌ هه‌ڵده‌ستێت به‌ ئاراسته‌كردنی مێشك بۆ ئه‌نجامدانی ئه‌ركه‌كانی…

سه‌رسوڕهێن ئه‌وه‌یه‌…قورئانی پیرۆز باسی له‌م ڕاستییه‌ پزیشكییه‌ كردووه‌ و خوای گه‌وره‌ ده‌فه‌رموێت:
(أَفَلَمْ يَسِيرُوا فِي الْأَرْضِ فَتَكُونَ لَهُمْ قُلُوبٌ يَعْقِلُونَ) [الحج: 46].

ئه‌م ئایه‌ته‌ پیرۆزه‌ ئه‌وه‌ دووپاتده‌كاته‌وه‌ و جه‌ختیلێده‌كاته‌وه‌، كه‌ دڵ بیرده‌كاته‌وه‌و ده‌زانێت و هۆشمه‌نده‌، سبحان الله..

نوسینی: عیدالدائم الكحیل

وه‌رگێڕان: هه‌یڤ

ئه‌وه‌ کێیه‌ ئه‌و به‌د به‌خته‌ی

نامۆ — Fri, 18 May 2012 19:45:03 GMT

ئه‌وه‌ کێیه‌ ئه‌و به‌د به‌خته‌ی
ده‌یه‌وێ دڵت داگری بکات

زۆر دڵنیام له‌وه‌ی ئێستا که‌ تۆ
دڵت به‌که‌سێ تر داوه‌
وه‌ک و من ده‌س خه‌ڕۆت کردوه‌
به‌ڵینی درۆت پێ داوه‌

هه‌رکات که‌سێکی ترت بینی
دڵنیام ئه‌ویش به‌جێ دێڵی
خاکی دڵی ئه‌و داماوه‌ش
وه‌ک و دڵی من ده‌کێڵی

به‌ڵام گیانه‌ زۆر دڵنیابه‌
که‌ ڕۆژێک دێت که‌سێک
دڵت لێ ده‌ستێنێ
زه‌لیلی ڕۆژگارت ده‌کات
دڵی ڕه‌قت فڕێ ده‌دات
له‌ سه‌د لاوه‌ ده‌ی شکێنێ..

کچی ولاته‌که‌م

sirwan — Fri, 18 May 2012 17:11:21 GMT

چه‌ند کۆپله‌یه‌ک له‌ قه‌سیده‌ی ( کچی ولاته‌که‌م ) پێشکه‌شه‌ به‌ ئێوه‌

کچی ولاته‌که‌م
1
له‌ چاوه‌روانیتدا بووم به‌ یه‌عقوب
شه‌وان له‌ ئاسه‌واری بێده‌نگیتا
به‌ده‌م خوێندنه‌وه‌ی په‌یڤه‌ ئاگرینه‌کانا
کال ئه‌بمه‌وه‌
تا به‌یانی دێت
وه‌ک شه‌ونمی سه‌ر لاسکه‌ گیاییه‌کان
له‌ به‌رده‌می خۆما ئه‌چۆڕیمه‌وه‌

2
کچی ولاته‌که‌م
ئه‌زانم ئێستا له‌ نێو جه‌نجالیا
له‌ ژێر چه‌تری غه‌مباریا
دڵت پڕه‌ له‌ حه‌سره‌ت و له‌ جومگه‌ی خه‌یاڵ
له‌ داڵغه‌ی بێ سه‌بوری
هێمن هێمن فرمێسکه‌کانت ئه‌بن به‌ جوانترین تابلۆ و
نیگاکانیان مه‌ست مه‌ست جوانتر له‌ مۆنالیزا

3
کچی ولاته‌که‌م
ئه‌مشه‌و له دوریتا
له‌سه‌ر شوشه‌ی په‌نجه‌ره‌که‌ما
تابلۆکه‌تم نه‌خشاند
تا له‌ چاوه‌کانتا فه‌رهه‌نگی ژیان ببینم
تا به‌ دواتا بگه‌ڕێم
زۆر به‌ ناخیا رووچووم
به‌لام هیچم ده‌ست نه‌که‌وت
هۆ کچی ولاته‌که‌م
ده‌ پێم بلێ
تۆ له‌کام رۆمان
له‌کام ولات
له‌کام فه‌رهه‌نگیت ؟؟؟؟

4
کچی ولاته‌که‌م
ئه‌ی کچی به‌ر سێبه‌ره‌کانی جوانی
ئه‌ی په‌پوله‌ هه‌میشه‌ هه‌ست ناسکه‌که‌ی ولاته‌که‌م
وه‌ره‌ له‌ روخساری مانگ مه‌ترسه‌
له‌ عومری یاسه‌مینی تنۆکه‌ بارانه‌کانی ئێره‌ مه‌ترسه‌
وه‌ره‌ هه‌ناسه‌ گوڵره‌نگیه‌کان بکه‌
به‌ جوانترین ماچ و زه‌رده‌خه‌نه‌
مۆنالیزای پێ سه‌رسام بکه‌
مه‌ترسه‌ له‌ بوونی درۆیه‌کی شیرین
چونکه‌ ولاته‌که‌ی من پڕه‌ له‌ هه‌ناسه‌ قه‌تیس ماوه‌کان
پڕه‌ له‌ عه‌شقی بێ روح و روحی بێ عه‌شق مه‌ترسه‌
به‌ هێمنی وه‌ره‌ ئه‌ی کچی ولاته‌که‌م
ده‌ست بخه‌ره‌ نێو ده‌ستی ئه‌و که‌سه‌ی نغرۆت ده‌کات
له‌ ماچ

سیروان واحد خۆشناو
شه‌قلاوه‌

ئامێرێك چاودێری روناكی بۆشایی ئاسمان ده‌كات

Mustafa — Fri, 18 May 2012 07:29:49 GMT

تێمێكی زانستی‌ له‌به‌ریتانیا نوێترین ئامێری‌ چاودێریكردنی‌ روناكی بۆشایی ئاسمانیان به‌رهه‌مهێنا.

ئامێره‌كه‌ش یه‌كه‌م ئامێری‌ له‌و جۆره‌یه‌و بڕیاره‌ له‌ماوه‌یه‌كی‌ نزیكدا بگوازرێته‌وه‌ بۆ ئه‌مریكا، بۆ ئه‌وه‌ی له‌بنه‌كه‌ی‌ "جیمس وه‌یب" بۆ چاودێریكردنی‌ بۆشایی ئاسمان جێگیر بكرێت.

ئامێره‌ نوێیه‌كه‌ كه‌به‌تیكشی ژێر سوور كار ده‌كات، ناوی "میری" لێنراوه‌و ئه‌ركی سه‌ره‌كیشی كۆكردنه‌وه‌ی‌ زانیارییه‌، له‌رێگه‌ی‌ چاودێریكردنی‌ روناكی ئه‌و ئه‌ستێرانه‌ی له‌قوڵایی بۆشایی ئاسماندان.nrt

حه‌ز نه‌كردن به‌گۆشت، هۆكاری جینی له‌پشته‌وه‌یه‌

Mustafa — Fri, 18 May 2012 07:28:39 GMT

توێژینه‌وه‌یه‌كی نوێ كه‌سه‌نته‌ری پزیشكی زانكۆی‌ "دیوك" له‌به‌لجیكا ئه‌نجامیداوه‌، له‌گۆڤاری "تایم"ی ئه‌مریكیدا بڵاوكراوه‌ته‌وه‌، تێیدا هاتووه‌ "حه‌ز نه‌كردنی‌ هه‌ندێك كه‌س به‌خواردنی گۆشت، ره‌نگه‌ هۆكاری جینی له‌پشته‌وه‌ بێت، نه‌ك هۆكاری ته‌ندروستی‌ تایبه‌ت به‌رێجیم یان هه‌ر هۆكاری تر.

روونیشیان كرده‌وه‌، هۆكاری ئه‌وه‌ش ره‌نگه‌ بگه‌ڕێته‌وه‌ بۆ جیناتێك له‌له‌شی مرۆڤ به‌ناوی ئه‌ندرۆستینۆن.nrt

خواردنی پیاز رێگه‌ له‌نه‌رمبوونی ئێسك ده‌گرێت

Mustafa — Fri, 18 May 2012 07:27:03 GMT

تویژینه‌وه‌یه‌كی‌ زانستی سویسری ده‌ریخستووه‌، پیاز كاریگه‌ری زۆری هه‌یه‌ له‌به‌هێزكردنی‌ ئێسك و كه‌مكردنه‌وه‌ی‌ مه‌ترسی توشبونی به‌نه‌رمی و لاوازبوون.

توژینه‌وه‌كه‌ كه‌ژماره‌یه‌ك زانای زانكۆی‌ بێرنی سویسری ئه‌نجامیان داوه‌، ئاماژه‌ی‌ به‌وه‌كردووه‌، مادده‌ كیمیاویه‌كانی ناو پیاز، رێگه‌ له‌نه‌رمبوونی ئێسك ده‌گرن.

زاناكان ئامۆژگاری ئه‌وه‌شیان داوه‌ كه‌پێویسته‌ پیاز به‌به‌رده‌وامی بخورێ، به‌تایبه‌ت له‌لایه‌ن ژنانی به‌ته‌مه‌نه‌وه‌ كه‌زیاتر روبه‌ڕووی‌ نه‌رمبوونی ئێسك ده‌بنه‌وه‌.nrt